The Conjuring 2 تقييمي لفيلم

the-conjuring-2-poster

سبق و ذكرت في المدونه من قبل ان من اقوى افلام الرعب اللي شفتها و اللي شدتني هو فيلم

The Conjuring

و كنت اتكلم عن الجزء الآول .. أما اليوم فيايكم بتقييمي للجزء الثاني من الفيلم

الفيلم هالمره ياخذنا من أمريكا الى لندن في زمن السبعينات و نعيش قصة أم منفصله و عايشه مع عيالها الاربعه و الاحداث الغريبه اللي تصير في بيتهم و بالتحديد اللي تصير حق بنتها

maxresdefault

الفيلم مرتبط بالجزء الاول من خلال شخصية الزوجين اللي يحضرون ارواح و يطردونها و يتعاملون مع الجن

the-conjuring-2-review-002

و مثل ما نعرف الفيلم مأخوذ من احداث حقيقية حصلت للزوجين هذيله .. و كل شي موثق بالصور لبعض الظواهر الغريبه اللي صارت للعايله البريطانية في بيتهم في لندن حيث وضع الزوجين كاميرات تشتغل على حساسية الحركة داخل غرفة العيال و صورت الكاميرا البنت و هي تطير بالهوى لما يشيلها اليني أو الروح اللي ساكنه في بيتهم – طبعا هالكلام حسب ما ذكرته بعض المواقع و المصادر بالنت

lvclg stranger-than-fiction-how-close-to-reality-is-the-conjuring-2-1012798 the-conjuring-2-and-the-true-enfield-poltergeist-1007983

العائلة الحقيقية و العائلة التي بالفيلم

CON2-2ND-TRL-87346 conjuring-2-featurette

الفيلم لم تقل قوته عن قوة الجزء الاول .. بالعكس اشوفهم متساوين بالجودة و القصه و الاداء و الاخراج و حبيت التركيز على التفاصيل بكل شي .. و الاجمل انك تشوف الفيلم و انت ما تعرف ولا شي عن القصه و بعدين ترجع البيت و تدش النت و تبحث عن القصه الحقيقيه و تشوف الفيلم و تحس انك تحترم الفيلم و المخرج اللي قدمولك القصه الحقيقيه بهالدقه و هالجودة العاليه

اعلان الفيلم

https://www.youtube.com/watch?v=KyA9AtUOqRM

تقييمي للفيلم 8 من 10

انصحكم فيه

Pick قريبا في منطقة الجابرية

فرحت وايد لما شفت اعلان افتتاح محل بيك قريبا في منطقتنا الجابرية

طبعا المحل غني عن التعريف .. اشهر محل في الكويت يقدم اليوقرت مع البستاشيو و الكثير من الشغلات اللذيذه في المنيو مالهم لعشاق الاكل الصحي

pick

يتواجد بيك الجديد في الجابريه قطعة 3 في شارع ستاربكس مقابل مطعم سهران

اوبرا وينفري DVD

كلنا في حياتنا عندنا اشخاص محفزين .. يحفزونا نكون ناس افضل .. نتعلم منهم و من تجربتهم بالحياة .. و بالنسبة لي المذيعة الامريكية الاسطورة اوبرا وينفري كانت و لازالت مثال للانسان الناجح اللي دائما و أبدا أتذكرها علشان أتحفز و أستمد طاقتي و قوتي من تجربتها ، مثل ما تعرفون اوبرا عاشت يتيمة و فقيرة .. صارت مذيعة اخبار و بعدين أسست برنامج تلفزيوني يحمل اسمها

Oprah Show

و تمت 25 سنه و هي تقدم البرنامج .. اثرت في حياة الناس حول العالم .. و في امريكا .. و في افريقيا تحديدا قدمت العديد للايتام الافارقه و انشأت لهم مدرسة و تكفلت في آلاف اليتامى

احتفظ شخصيا بشي عزيز على قلبي في مكتبتي .. مجموعة اصدار خاص بحلقات تلفزيونية مميزة في مسيرة برنامج اوبرا و هو عبارة عن مجموعة دي في دي و هذي المجموعة حبيت اشاركم فيها

o4

o1 o2 o3 o5 o6

الكولكشن يعرض لكم لحظات مؤثرة من لقاءاتها مع شخصيات مختلفة خلال فترة الثمانينات و التسعينات الى عام 2004 تقريبا و طبعا في مقابلات فيها كوميديا و في مقابلات تبجيكم و مقابلات نادره

يتوفر الكولكشن في امازون

GRANO تجربتي في مطعم

جربت أمس مطعم تم افتتاحه مؤخرا في منطقة شويخ الصناعية وهو مطعم

GRANO
مطعم ايطالي و يقدم بعض الاكلات الامريكية

image

المطعم مكانه في نفس المجمع اللي فيه محلات يوريكا و ميداس سابقا و يطل على الشارع العام جهة الدوار

image image image image image image

الاكل لذيذ طلبنا همبورجر و باستا و مقبلات بافلو الروبيان اللذيذ

و طبعا لازم نجرب عصيرهم

 image image image image image

المطعم له قعدة خارجية مسكره بالزجاج تطل على الشارع أعتقد حلوه بالجو الحلو و خاصه بالشتا تصلح حق وقت الريوق

image

اعلان فيلم الجميلة و الوحش لديزني يحطم الرقم القياسي بعدد المشاهدات

طرحت ديزني اعلان فيلم اللايف اكشن لفيلمها الكلاسيكي

Beauty and the Beast

و خلال اقل من 4 ايام تخطى عدد مشاهدته أكثر من 9 مليون و بذلك يكون أكثر اعلان مشاهدة لفيلم تم طرحه على اليوتيوب

رحلتي مع قراءة الكتب الانجليزية

IMG_3443

أكثر شي يسحرني لما أدخل مكتبة الكتب الانجليزيه

أحس ورا كل كفر و كل عنوان قصة عجيبه ودي اقراها .. لكن مشكلتي الوحيدة إن مستواي في قراية هالكتب جدا متواضع

مع ان للعلم أتكلم الانجليزية بطلاقة و الاستماع عندي قوي بحكم اني تعودت اشوف مسلسلات و افلام اجنبية بدون ترجمة ، لكن من ايام المدرسة و انا اعاني من صعوبة القراءة مع الكتب الانجليزية

نصحني صديق و قالي إن الموضوع ما يحتاج كل هالتعقيد .. كل اللي عليك تسويه ان تفتح الكتاب اللي تبي تقراه و مع كل كلمه توقف عندها ما تعرف معناها ادخل على ابلكيشن الترجمه في موبايلك و طلع معناها .. و احرص ان يكون عندك دفتر تسجل فيه كل كلمه و معناها علشان تكون مرجع لك تقراه بين وقت ووقت علشان تثبت الكلمه في بالك و ما تنساها و بجذي بيكون الموضوع مع الوقت خطوه بخطوه سهل عليك وايد

متحمس اطبق التجربة و أشوف شيصير .. مكتبتي الخاصه فيها وايد كتب شاريهم و للحين ما قريتهم بس ان شاء الله ببلش اقراهم و اقول لكم النتيجة